Rama firmos në Zvicër dy projekte me vlerë 9.4 milion euro

Rama firmos në Zvicër dy projekte me vlerë 9.4 milion euro

Presidentja Doris Leuthard mirëpriti Kryeministrin Edi Rama për një takim zyrtar pune në vilën Lohn të premten.

Kjo është vizita e parë e një kryeministri të Shqipërisë në Zvicër që nga viti 1994. Sipas zyrës së shtypit të kryeministrit, fokusi ishte tek marrëdhëniet politike dhe ekonomike midis dy vendeve dhe gjendjes në Ballkanin Perëndimor.

Të dy palët nënvizuan synimin për të forcuar më tej marrëdhëniet dypalëshe, të cilat janë thelluar vazhdimisht në vitet e fundit. Midis subjekteve të tjera të diskutuara ishte dhe përkushtimi i vazhdueshëm i Zvicrës ndaj Shqipërisë.

Synimi i Zvicrës është të mbështesë Shqipërinë – një vend parësor për bashkëpunimin zviceran për zhvillim – në projektet reformuese në rrugën drejt integrimit Evropian. Përsa i përket Shqipërisë, Zvicra aktualisht është një nga vendet donatore dypalëshe më të rëndësishme. 

Në takimin e të premtes, u nënshkruan dy marrëveshje që mbulojnë projekte në fushat e arsimit profesional dhe decentralizimit me vlerë totale 10 milion CHF (afërsisht 9.4 milion Euro).

Subjekte të tjera të mbuluara gjatë diskutimeve përfshinë reformën gjyqësore e cila duhet gjithashtu të përmirësojë kushtet për investime në Shqipëri, bashkëpunimin për çështjet e migracionit, bashkëpunimin policor dhe gjendjen në Ballkanin Perëndimor.

Delegacioni zviceran shprehu shqetësimin mbi tensionet në rritje dhe krizat në rajon. Në këtë kuadër, Zj. Leuthard njohu rolin konstruktiv të luajtur në Shqipëria dhe theksoi rëndësinë, nga pikëpamja e Zvicrës, e vazhdimit nga Tirana të rolit të ndërtuesit të urave.   

Tendenca pozitive mbi marrëdhëniet ekonomike

Marrëdhëniet diplomatike midis Zvicrës dhe Shqipërisë u vendosën në 1970. Njëzet e pesë vjet më parë, në 1992, Zvira hapi një ambasadë në Tiranë. Pavarësisht marrëdhënieve të shkëlqyera politike dhe tendencave pozitive në lidhjet ekonomike, shkëmbimet midis Zvicrës dhe Shqipërisë mbeten relativisht modeste. Ka rreth 30 kompani zvicerane të pranishme në Shqipëri. Një konsortium ndërkombëtar i bazuar në Zvicër gjithashtu është përfshirë në ndërtimin e Gazsjellësit Trans Adriatic (TAP) për gaz natyror.

Duke qenë se ka rreth 250,000 njerëz në Zvicër, përfshirë shumë shtetas zviceranë, me lidhje me zonën shqipfolëse, potenciali për lidhje më të ngushta me Republikën e Shqipërisë është thelbësor, edhe në terma ekonomike.

Login to post comments
back to top