Ilir Meta urim nga Presidenti i Senatit të SHBA

Ilir Meta urim nga Presidenti i Senatit të SHBA

Presidenti i Senatit të Shteteve të Bashkuara, z. Orrin G. Hatch, uron Ilir Metën për zgjedhjen President i Republikës së Shqipërisë.

Presidenti i Senatit të Shteteve të Bashkuara,Orrin G. Hatch, ka uruar Ilir Metën me rastin e zgjedhjes së tij në postin e Presidentit të Republikës së Shqipërisë.

Në telegramin e urimit, Hatch vlerëson kontributin e rëndësishëm të Shqipërisë për të siguruar stabilitetin në rajon, teksa shpreh besimin se së bashku me  zotin Meta do të avancohen objektivat e përbashkëta të dy kombeve tona.

Më poshtë teksti i plotë i letrës:

Shkëlqesisë së tij Ilir Meta

President i zgjedhur i Republikës së Shqipërisë

I dashur President i zgjedhur:

Ju lutem pranoni urimet e mia të ngrohta për zgjedhjen tuaj.

Dëshiroj t’ju uroj juve dhe popullit shqiptar suksese, ndërkohë që ju merrni Presidencën.

Ishte një kënaqësi e madhe t’iu takoja gjatë Inagurimit të Presidentit Trump. Mua më pëlqeu thellësisht biseda jonë për reformën në drejtësi, trafikun e drogës dhe kauzën tonë të përbashkët për të mundur ISIS-in. Me të vërtetë, si një nga anëtarët më të rinj të NATO-s, unë e vleresoj thellësisht kontributin e rëndësishëm të Shqipërisë për të siguruar stabilitetin në Evropën jugore, për të luftuar terrorizmin në Irak dhe Afganistan, dhe për të këshilluar kombet që aspirojnë t’i bashkohen NATO-s.

Pres që të punoj me ju për të çuar përpara objektivat e përbashkëta të dy kombeve tona të mëdha.

Edhe një herë urimet më të mira ndërkohë që ju merrni këtë detyrë të lartë.

Sinqerisht

 Orrin G. Hatch

Senati i Shteteve të Bashkuara të Amerikës

https://i0.wp.com/www.kohajone.com/wp-content/uploads/2017/05/metaaa.jpg?resize=169%2C300 169w" sizes="(max-width: 372px) 100vw, 372px" width="610" height="1086">

Login to post comments
back to top